ગુજરાત ટાઇટન્સ (GT)એ IPL 2025માં સતત બીજી જીત નોંધાવી છે. ટીમે બુધવારે રોયલ ચેલેન્જર્સ બેંગલુરુ (RCB)ને 8 વિકેટથી હરાવ્યું.

એમ ચિન્નાસ્વામી સ્ટેડિયમ ખાતે 170 રનનો ટાર્ગેટ 17.5 ઓવરમાં 2 વિકેટે ચેઝ કરી લીધો. જોસ બટલરે 39 બોલમાં અણનમ 73 રન અને શેરફાન રૂધરફોર્ડે 18 બોલમાં અણનમ 30 રન બનાવ્યા. સાઈ સુદર્શન 49 રન બનાવીને આઉટ થયો હતો. RCB તરફથી જોશ હેઝલવુડ અને ભુવનેશ્વર કુમારે એક-એક વિકેટ લીધી.

લિયામ લિવિંગસ્ટન (54)એ અડધી સદી ફટકારી. જીતેશ શર્માએ 33 અને ટિમ ડેવિડે 32 રન બનાવ્યા હતા. ગુજરાત તરફથી મોહમ્મદ સિરાજે 3 વિકેટ લીધી. સાઈ કિશોરે 2 વિકેટ લીધી. અરશદ ખાન, પ્રસિદ્ધ ક્રિષ્ના અને ઈશાંત શર્માએ એક-એક વિકેટ લીધી હતી.